ГА «Беларуская асацыяцыя журналістаў»

Міжнародная арганізацыя па абароне правоў журналістаў "Рэпарцёры без межаў" выступіла з заявай у падтрымку беларускага незалежнага літаратурна-мастацкага і навукова-папулярнага часопіса "ARCHE. Пачатак".

Ход падпісной кампаніі на дзяржаўную газету "Слонімскі веснік" абмяркоўваўся сярод іншых надзённых пытанняў на апошняй сесіі Слонімскага раённага Савета дэпутатаў, якая ладзілася 22 верасня.

Грамадскае аб'яднанне "Беларуская асацыяцыя журналістаў" 26 верасня накіравала зварот да міністра інфармацыі Уладзіміра Русакевіча ў сувязі з прыпыненнем дзейнасці на тры месяцы недзяржаўнага літаратурна-мастацкага і навукова-папулярнага часопіса "ARCHE. Пачатак".

Сёння начальнік гарадской і раённай інспекцыі прыродных рэсурсаў і аховы навакольнага асяроддзя Слонімскага райвыканкама Мікалай Дзегцяроў у чарговы раз адмовіўся паведаміць інфармацыю карэспандэнту недзяржаўнай "Газеты Слонімскай" Антону Трафімовічу.

Спадарожнікавы тэлеканал “TV Беларусь” распачне вяшчанне на Беларусь меркавана ў наступным годзе. Аб гэтым пагадзіліся ўдзельнікі круглага стала на тэму перспектываў і эфектыўнасці замежнага вяшчання на Беларусь, які ладзіўся 23 верасня ў Вільні. Удзел у дыскусіі прынялі журналісты і кіраўніцтва тэле- і радыёстанцый, якія ўжо наладзілі падобную трансляцыю на Беларусь з Германіі, Польшчы і Літвы, а таксама прадстаўнікі Рады Еўропы, беларускія палітыкі, гісторыкі і культуролагі.

Сябра Грамадскага аб’яднання “Беларуская асацыяцыя журналістаў”, перакладчык Антон Тарас знайшоўся ва Украіне.

Міністэрства інфармацыі прыпыніла выхад часопіса “ARCHE” тэрмінам на тры месяцы. Адпаведны загад падпісаў 19 верасня кіраўнік ведамства Уладзімір Русакевіч са спасылкай на арт.16 закона «Аб друку і іншых СМІ». У гэты ж дзень часопісу было вынесена другое па ліку за гэты год папярэджанне аб парушэнні заканадаўства.

19 верасня суд Чыгуначнага раёна Віцебска аштрафаваў распаўсюджвальніка недзяржаўнай прэсы Барыса Хамайду на палову базавай велічыні (15 з паловай тысяч рублёў) за незаконны гандаль газетамі.

18 верасня Міністэрства інфармацыі Беларусі закрыла недзяржаўную рэгіянальную газету “Тэлескоп”, якая выходзіла ў Лідзе.

Сёння вядомы беларускі паэт і публіцыст Сяргей Законнікаў, быў ўзнагароджаны дыпломам Ганаровага сябра Грамадскага аб’яднання “Беларуская асацыяцыя журналістаў”.