ГА «Беларуская асацыяцыя журналістаў»

Першая перадача "Акно ў Еўропу" выйшла на хвалях “Еўрапейскага радыё для Беларусі” год таму, 26 лютага 2006 г. З таго часу радыё штодзённа, 24 гадзіны на дзень, вяшчае праграмы ў жывым эфіры і ў запісы.

Галоўны рэдактар недзяржаўнай рэгіянальнай газеты “Ганцавіцкі час” Аляксей Белы атрымаў афіцыйнае папярэджанне ад пракуратуры Ганцавіцкага раёна. 26 лютага рэдактар газеты быў выкліканы да пракурора, дзе яму ўручылі папярэджанне аб недапушчальнасці парушэння закона “Аб друку і іншых сродках масавай інфармацыі” і Выбарчага кодэкса Рэспублікі Беларусь.

Год таму ўпершыню загучала радыёстанцыя "Еўрапейскае радыё для Беларусі". 26 лютага 2006 года Еўрарадыё стартавала ў эфіры вітальнымі словамі да беларускіх слухачоў, ў якіх нарэшце з’явілася магчымасць атрымліваць нецэнзураваную інфармацыю.

На мінулым тыдні выйшла ў свет новая кніга нашага калегі, пісьменніка і намесніка галоўнага рэдактара "Газеты Слонімскай" Сяргея Чыгрына "У пошуках слонімскіх скарбаў".

Амаль паловай рэдакцый дзяржаўных газет у Гомельскай вобласці не выкананы планавыя паказчыкі па падпісным накладзе, - паведаміў начальнік галоўнага ўпраўлення ідэалагічнай работы Гомельскага аблвыканкама Анатоль Каціла на выязным паседжанні калегіі гэтага ўпраўлення, якое ладзілася ў Жлобіне.

"Няма сумневу, што ў больш ці менш агляднай перпектыве сацыяльная роля медыяў у беларускім грамадстве мусіць заўважна падвысіцца. Адпаведна ўзрасце і іх адказнасць за тое, якую "карцінку" сацыяльнай, палітычнай і культурніцкай рэчаіснасці яны змадэлююць у галовах большасці беларускіх грамадзян", - гэта адна з высноваў, зробленых Алесем Анціпенкам у яго новым артыкуле "Беларуская медыя-сітуацыя: у якіх кірунках яна можа мяняцца?" У сваім даследаванні ён падводзіць вынікі мінулага года і разглядае магчымыя накірункі развіцця падзеяў у галіне мас-медыя ў 2007 годзе.

Рэдакцыя недзяржаўнага літаратурна-мастацкага і навукова-папулярнага часопіса "ARCHE. Пачатак" атрымала адразу два папярэджанні аб парушэнні закона "Аб друку і іншых СМІ". Мінінфармацыі палічыла парушэннем заканадаўства, тое, што рэдакцыя часопіса надрукавала ў снежні 2006 года пасля трохмесячнага прыпынення адразу тры прапушчаныя нумары - за кастрычнік, лістапад і снежань.

15 лютага суд г. Баранавічы адмяніў пакаранне штрафам за распаўсюд незарэгістраванага выдання "Белорусский вестник", вынесенае ў студзені чальцу Партыі камуністаў Беларусі Віктару Цяпіну адміністратыўнай камісіяй Баранавіцкага гарвыканкама.

Суд Чыгуначнага раёна Гомеля абавязаў дзяржаўную газету “Гомельская праўда” цягам месяца апублікаваць абвяржэнне непраўдзівых і абразлівых звестак у дачыненні старшыні Гомельскай гарадской арганізацыі Аб`яднанай грамадзянскай партыі Андрэя Толчына, надрукаваных у нумары “ГП” ад 16 лістапада 2006 года.

Недзяржаўную рэгіянальную газету "Витебский курьер М" абласная бібліятэка не можа выпісваць пры ўсім жаданні на тое, – вынікае з афіцыйнага ліста начальніка ўпраўлення культуры Віцебскага аблвыканкама Мікалая Пашынскага, які атрымаў на гэтым тыдні сябра праваабарончай арганізацыі "Беларускі Хельсінскі Камітэт" Павел Левінаў.