ГА «Беларуская асацыяцыя журналістаў»

Шаноўныя калегі! Конкурс фотаздымкаў і малюнкаў “Беларусь вачыма журналістаў”, які ладзіцца на сайце грамадскага аб’яднання “Беларуская асацыяцыя журналістаў” з пачатку снежня 2006 года, завершыцца 3 мая 2007 года. Падвядзенне вынікаў конкурсу і ўганараванне пераможцаў будзе прымеркавана да Сусветнага дня свабоды прэсы.

Прадстаўнікам СМІ ў сувязі з выкананнем імі прафесійных абавязкаў не забараняецца знаходзіцца ў месцах правядзення як санкцыянаваных, так і несанкцыянаваных акцый, – заяўляецца ў лісце Міністэрства ўнутраных спраў Беларусі, які атрымаў 9 красавіка БАЖ у адказ на сваё пісьмовае патрабаванне выконваць закон аб СМІ.

7 красавіка ў беларускай сталіцы адбылося ўручэнне ўзнагародаў пераможцам конкурсу “Беларусь у еўрапейскім кантэксце”, які ладзіў зарэгістраваны ў Вільні “Праваабарончы альянс” пры падтрымцы амбасадаў ЗША і Вялікабрытаніі ў Беларусі. Лаўрэаты вызначаліся па шасці дысцыплінах: журналістыка, паліталогія, эканоміка, гісторыя, літаратура, права.

З заявай аб прадастаўленні жывога эфіру на Першым канале беларускага дзяржаўнага тэлебачання звярнуўся 5 красавіка лідэр дэмакратычных сіл Беларусі Аляксандр Мілінкевіч да старшыні Белдзяржтэлерадыёкампаніі Аляксандра Зімоўскага.

У Оршы супраць моладзевага актывіста Сяргея Гумінскага, які меў пры сабе асобнікі незарэгістраванай газеты "Свабода", узбуджана адміністратыўная справа за "распаўсюд перыядычных друкаваных выданняў без выхадных дадзеных".

Адміністратыўную справу за захоўванне ў прыватным аўтамабілі незарэгістраванай газеты “Свободу Беларуси” супраць намесніка старшыні АГП Ігара Шінкарыка Міністэрства інфармацыі спыніла з прычыны “адсутнасці складу правапарушэння”, а менавіта “адсутнасці факту распаўсюду” выдання.

3 красавіка ў Мінску арыштаваны грамадскі актывіст, дэпутат Вярхоўнай рады 13-га склікання Андрэй Клімаў. Пракуратура прад’явіла яму абвінавачванне па артыкуле 361 Крымінальнага кодэксу Беларусі (публічныя заклікі да гвалтоўнага звяржэння дзяржаўнага ладу). Нагодай для ўзбуджэння крымінальнай справы стаў артыкул за подпісам Андрэя Клімава, размешчаны на сайце www.ucpb.org, які напаўняюць прыхільнікі Аб’яднанай грамадзянскай партыі.

Творчы конкурс “Для чаго патрэбна журналістыка?” абвясціла Наваполацкая філія грамадскага аб’яднання “Беларуская асацыяцыя журналістаў”.

Тэкст праекта Закона Рэспублікі Беларусь “Аб інфармацыі, інфарматызацыі і абароне інфармацыі” атрымала 2 красавіка грамадскае аб’яднанне “Беларуская асацыяцыя журналістаў” у адказ на запыт у беларускі парламент.

Прадстаўнік грамадскага аб’яднання “Беларуская асацыяцыя журналістаў”, кіраўнік Цэнтра прававой абароны СМІ пры БАЖ Міхаіл Пастухоў прыняў удзел у дадатковай нарадзе парламенцкай асамблеі АБСЕ, якая ладзілася ў Вене 29-30 сакавіка. Прадметам абмеркавання былі прызначаны пытанні, звязаныя з рэалізацыяй асноўных свабод чалавека: свабоды збораў, свабоды аб’яднанняў і свабоды меркаванняў.