ГА «Беларуская асацыяцыя журналістаў»

Творчы конкурс “Для чаго патрэбна журналістыка?” абвясціла Наваполацкая філія грамадскага аб’яднання “Беларуская асацыяцыя журналістаў”.

Конкурс разлічаны на вучняў старэйшых класаў з Наваполацка і Полацка. Ім прапануецца напісаць, чаму прафесія журналіста такая папулярная зараз, і што ў ёй прыцягвае маладых людзей.

Арганізатары абяцаюць, што пераможцы конкурсу атрымаюць каштоўныя прызы, а лепшыя працы ўвойдуць у спецыяльны зборнік і будуць размешчаныя на сайце ximik.info.

Падвядзенне вынікаў конкурсу і ўганараванне пераможцаў запланаванае на 20 мая.