Глыбокае вылучыла дэлегатаў на з’езд БАЖ
У Глыбокім 27 лютага адбыўся сход сяброў суполкі ГА “БАЖ”. На ім вылучылі дэлегатаў на з’езд арганізацыі, абмеркавалі праблемы і планы.
Глыбоцкая суполка налічвае 11 сябраў. Дэлегатамі на з’езд абралі Змітра Лупача і Таццяну Смоткіну.
На сходзе ў Глыбокім прысутнічалі старшыня грамадскага аб’яднання “БАЖ” Жанна Літвіна і намесніца старшыні Аліна Суравец. Яны разам з глыбачанамі абмеркавалі асноўныя мерапрыемствы, запланаваныя напрацягу года – як у маштабах усёй арганізацыі, так і на ўзороўні суполкі. Асаблівую ўвагу звярнулі на з’езд ГА “БАЖ” і юбілей арганізацыі – 20-годдзе.
Напрыканцы схода сябры глыбоцкай суполкі прапанавалі правесці карпаратыўны фэст “БАЖынкі” на Глыбоччыне, бо гэты край славіцца сваёй прыгажосцю і гасціннасцю.