Стартаваў другі конкурс журналісцкіх матэрыялаў «Жыццё пад сэрцам» (ДА 26 МАЯ)
Грамадская ініцыятыва «Супольнасць хрысціянскіх журналістаў і блогераў» і хрысціянскі інфармацыйны партал КРЫНІЦА.INFO абвяшчаюць другі конкурс матэрыялаў, прысвечаных абароне ненароджанага жыцця — «Жыццё пад сэрцам».
На конкурс прымаюцца матэрыялы створаныя і апублікаваныя ў беларускіх СМІ, аўтарскіх блогах ці рэлігійных сайтах у перыяд з 1 чэрвеня 2014 года да 25 мая 2015 года ўключна. Конкурсныя працы прымаюцца па 26 траўня 2015 года ўключна.
Конкурсныя працы высылаюцца на e-mail: slovaby@gmail.com. Тэма ліста: «Конкурс «Жыццё пад сэрцам», а таксама Імя і прозвішча аўтара. Мова конкурсных працаў: беларуская і руская. Удзел у конкурсе бясплатны.
Удзельнік конкурсу павінен з’яўляцца аўтарам матэрыялу, прадстаўленага ад яго/яе імя на конкурс. Арганізатары конкурсу пакідаюць за сабой права выключыць работы аўтара з ліку конкурсных або прызавых ў выпадку, калі будуць выяўленыя факты парушэння аўтарскіх правоў, неадпаведнасці матэрыялаў тэмам і ўмовам конкурсу. Рашэнне аб выключэнні работ прымае журы конкурсу.
Скаргі, выказаныя любым спосабам, акрамя асабістага ліста ў адрас аргкамітэта, не прымаюцца да разгляду.
Дасылаючы свае матэрыялы, аўтар згаджаецца з умовамі конкурсу, а таксама з тым, што яны могуць быць выкарыстаныя арганізатарамі конкурсу для публікацыі ў друкаваным ці электронным выглядзе для прасоўвання гэтага конкурсу ў любым фармаце без выплаты якіх-небудзь узнагарод.У выпадку вялікай колькасці дасланых матэрыялаў журы і аргкамітэт конкурсу пакідаюць за сабой права вылучаць/ці не вылучаць асобныя намінацыі для конкурсных працаў.
Па выніках конкурсу вызначаюцца тры лепшыя працы, аўтары якіх атрымліваюць ад арганізатараў конкурсу каштоўныя прызы.
На гэтую ж тэму:
У Мінску абвясцілі лаўрэатаў журналісцкага конкурсу “Жыццё пад сэрцам”
Каментары: