6 сакавіка ў Мінску – майстар-клас “Як адкрыць сваю справу і зарабляць фрылансам?” ад Таранціны-Ждановіча (заяўкі – да 5 сакавіка ўключна)
6 сакавіка ў Мінску адбудзецца майстар-клас для журналістаў-фрылансераў “Як адкрыць сваю справу і зарабляць фрылансам”. Удзел бясплатны.
Дзе і калі?
Мерапрыемства адбудзецца 6 сакавіка, пачатак а 17-й гадзіне, канец прыблізна а 20-й.
Месца правядзення: Мінск, памяшканне Арт-Сядзібы (пр-т Незалежнасці, д. 58, оф. 430 (ст. м. «Плошча Якуба Коласа», 4 паверх Маскоўска-Венскага ГЦ).
Ці будзе мне цікава?
- Семінар у першую чаргу будзе карысны тым журналістам, фатографам, відэааператарам і іншым працаўнікам медыяў, якія разглядаюць магчымасць легалізацыі сваёй дзейнасці ў якасці, да прыкладу, прыватнага прадпрымальніка, а таксама ў іншых формах.
- Удзельнікі пазнаёмяцца з досведам паспяховага беларускага журналіста-фрылансера, фатографа Аляксандра Таранціны-Ждановіча, які заснаваў сямейнае журналісцкае агенцтва “Таранціны і сыны”;
- Слухачы будуць мець магчымасць задаць пытанні пра асаблівасці арганізацыі працы, парадак разлікаў за выкананыя замовы, сплату падаткаў, а таксама пра тое, як перамагаць пры канкурэнцыі з іншымі фрылансерамі і г. д.;
- Таксама ў праграме мерапрыемства: прэзентацыя тэарэтычнага дапаможніка для фрылансераў;
- Знаёмства з абноўленым сервісам для журналістаў і рэдакцый — freelance.baj.by;
- У ходзе мерапрыемства адбудзецца ўганараванне пераможцаў конкурса для фрылансераў “Свабодны палёт-2014”.
Як удзельнічаць?
Заяўку на ўдзел дасылайце на адрас freelance@baj.by да 5 сакавіка (уключна).
У заяўцы пазначце:
- Імя, прозвішча, узрост;
- З якога вы горада?
- Ці з’яўляецеся сябрам ГА "БАЖ"?
- Які досвед у журналістыцы фрылансу маеце? З якімі медыямі найчасцей супрацоўнічаеце?
- Кантакты.
Колькасць удзельнікаў абмежаваная, таму перавагу аддадуць тым, чые заяўкі прыйдуць раней.