Freedom House: Беларусь перасьледуе кожны незалежны голас
30 красавіка амэрыканская дасьледчая арганізацыя Freedom House апублікавала штогадовую справаздачу пра стан свабоды СМІ ў 197 краінах сьвету (Freedom of the Press 2014).
Беларусь, як і ў мінулыя гады, разам з Узбэкістанам, Туркмэністанам і Іранам трапіла ў лік васьмі краінаў, у якіх умовы працы для журналістаў найгоршыя.
«Ва ўсіх гэтых краінах асяродзьдзе СМІ неверагодна абмежаванае. Там, у асноўным, няма прыватных СМІ. Вельмі невялікі ўплыў маюць і інтэрнэтныя СМІ. Гэта вельмі закрытае асяродзьдзе нават для інтэрнэту. І дзяржава рэпрэсуе і перасьледуе ўсіх, хто падымае незалежны голас», — сказала Карын Карлекар, якая кіравала сёлетнім дасьледаваньнем стану свабоды прэсы, пра краіны, якія атрымалі самы нізкі Індэкс свабоды прэсы ад Freedom House.
Месца Беларусі ў Індэксе свабоды прэсы (у дужках — агульная колькасьць краінаў):
| Год | Месца Беларусі ў Індэксе свабоды прэсы | Колькасьць краінаў маніторынгу |
| 2014 | 193 | 197 |
| 2013 | 193 | 197 |
| 2012 | 193 | 197 |
| 2011 | 190 | 196 |
| 2010 | 189 | 196 |
View Freedom of the Press 2014 in a larger map