ГА «Беларуская асацыяцыя журналістаў»

Антон Філімонаў, 16-гадовы сын забітай у кастрычніку 2004 г. журналісткі Веранікі Чаркасавай, застанецца ў следчым ізалятары. Такое рашэнне прыняў 17 студзеня суд г. Мінска, адхіліўшы скаргу Уладзіміра Мялешкі, дзядулі і законнага прадстаўніка падлетка, на рашэнне суда першай інстанцыі.

10 студзеня суд Першамайскага раёна г. Мінска адхіліў скаргу Уладзіміра Мялешкі аб змяненні меры стрымання яго ўнуку. Філімонаў знаходзіцца пад арыштам у следчым ізалятары на вул. Валадарскага ў Мінску з 30 снежня. Ён праходзіць як адзін з абвінавачваных па справе аб вырабе фальшывых беларускіх грашовых купюраў (арт. 221 КК РБ). Мера стрымання ў выглядзе арышту была прымененая толькі да Філімонава, хаця па гэтай жа справе праходзяць яшчэ чатыры чалавекі. Блізкія Антона заяўляюць, што ў СІЗА падлетка неаднаразова змушалі падпісаць прызнанне ў забойстве маці.

Прэс-служба ГА "Беларуская асацыяцыя журналістаў"