ГА «Беларуская асацыяцыя журналістаў»

Юзерам падабаецца інфармацыя, якая падаецца найбольш эфектыўным і элегантным спосабам — хутка, проста, вычарпальна і дасціпна. Ад журналістаў гэта вымагае асаблівага майстэрства ствараць навіны ў прывабнай сумесі фарматаў: тэкст, фота, аўдыё, відэа, інфаграфіка.

Ці ў стане авалодаць усім гэтым адзін чалавек? Каб упэўніцца ў гэтым, дастаткова з дапамогай нашых трэнераў аздобіць свой журналісцкі матэрыял мультымедыйнымі «фішкамі».

Арыентаваны на 90% на набыццё практычнага досведу курс «Мультымедыя: «фішкі» для СМІ» — для тых, хто ўжо працуе ў журналістыцы, аднак жадае стаць універсальным вэб-журналістам.

Пасля заканчэння курса слухачы будуць ведаць:

— што такое мультымедыя і якія спосабы дазваляюць «зачапіць» вэб-карыстальніка;

— інструменты, якія дапамагаюць выкладаць сюжэт коратка, але зразумела і вычарпальна;

— асноўныя характарыстыкі анлайн-тэксту і яго адрозненні ад тэксту газетнага;

— сервісы, якія дазваляюць з выкарыстаннем Сеціва візуалізаваць інфармацыю;

— як удала выкарыстоўваць інфаграфіку;

— што такое анлайн-відэа і аўдыё і як ствараць іх з найменшымі матэрыяльнымі выдаткамі.

Пасля заканчэння курса слухачы будуць умець:

— пісаць тэксты для Сеціва з улікам запытаў вэб-карыстальнікаў і «капрызаў» робатаў;

— шукаць, выбіраць і апрацоўваць фотаздымкі для сайта;

— выкарыстоўваць элементарныя функцыі графічных і таблічных рэдактараў для стварэння інфаграфікі;

— выкарыстоўваць картаграфічныя сервісы для візуалізацыі кантэнту сайта;

— здымаць, апрацоўваць і выстаўляць на сайт уласнае аўдыё і відэа.

Да ўдзелу запрашаюцца: Журналісты, выпускнікі факультэтаў журналістыкі альбо школ маладога журналіста, а таксама студэнты, якія ўжо маюць досвед працы ў журналістыцы, але зацікаўленыя ў тым, каб навучыцца працаваць у вэб-журналістыцы, з Мінска і рэгіёнаў.

Лепшыя з навучэнцаў па выніках курса атрымаюць магчымасць удзелу ў семінары за мяжой.

Увага: для ўдзелу у курсе абавязкова мець ноўтбук і мабільны тэлефон з вэб-камерай.

АПІСАННЕ КУРСА:

Курс «Мультымедыя: «фішкі» для СМІ» распачнецца 12 красавіка і скончыцца 28 чэрвеня.

Складаецца з васьмі заняткаў і майстар-класу замежнага трэнера ў Вільні.

Заняткі будуць праводзіцца раз на тыдзень па суботах.

Заяўкі на ўдзел ў навучальным курсе «Мультымедыя: «фішкі» для СМІ»прымаюцца па электроннай пошце на адрас: baj@baj.by (з пазнакай «Multimedia»). Апошні тэрмін — 7 красавіка.

Колькасць месцаў абмежаваная.

Ваша заяўка павінна ўтрымліваць:

1. Кароткі расповед пра сябе (не больш за 1 000 знакаў).

2. Абгрунтаванне свайго жадання ўдзельнічаць у курсе.