ГА «Беларуская асацыяцыя журналістаў»

Упраўлення ўнутраных спраў Цэнтральнага раёна Мінска адмовілася ўзбуджаць
крымінальную справу па зыску пратэстанцкай царквы “Новае жыццё” аб абароне гонару і дзелавой рэпутацыі да журналісткі “Сталічнага тэлебачання” Л.Джураевай, аўтара тэлерэпартажаў аб дзейнасці гэтай царквы.

Царква “Новае жыццё” патрабавала таксама прыцягнуць да адказнасці ўдзельнікаў рэпартажаў Л.Джураевай – начальніка аддзела па справах рэлігій і нацыянальнасцяў Мінгарвыканкама А. Рабіцавай і кандыдата гістарычных навук І.Янушкевіча.

У дзеяннях асоб, узгаданых у зыскавай заяве “адсутнічаюць прыкметы якога-небудзь злачынства”, – сцвярджаецца ў афіцыйным адказе ад 8 снежня за подпісам начальніка УУС Цэнтральнага раёна В. Сінякова.

"Мы лічым гэтыя рэпартажы паклёпніцкімі, паколькі факты, выкладзеныя ў іх, не адпавядаюць рэчаіснасці і носяць правакацыйны характар, – заявіў юрыст царквы Сяргей. – У выніку грубага мантажу маіх слоў у рэпартажы СТВ прагучала выказванне, сэнс якога зводзіцца да таго, што ўсе ўдзельнікі акцыі пратэсту абавязваюцца галадаць да смяротнага зыходу”.

Рэпартажы Л.Джураевай выйшлі ў эфір “СТВ” 14 і 15 кастрычніка. Менавіта ў гэтыя дні вернікі пратэстанцкай канфесіі трымалі галадоўку ў знак пратэсту супраць канфіскацыі гарадскімі ўладамі будынку царквы.