ГА «Беларуская асацыяцыя журналістаў»

Міністр унутраных спраў Уладзімір Навумаў кажа, што міліцыя адвядзе месца для прэсы на прыступках ДК Прафсаюзаў на Кастрычніцкай плошчы. Пра гэта ён паведаміў журналістам "Комсомольской правды в Белоруссии" 19 сакавіка.

"Паставім тут прэс-сакратара, і будуць працаваць", - зазначыў ён, дадаўшы, што "наогул пісаць трэба пра ўсё добрае, што адбываецца ў краіне". На пытанне журналістаў "КП", што будзе, калі яны пойдуць на плошчу, міністр зазначыў: "Вы ж бачылі, што адбывалася ў Францыі, там журналісты ў шлемах працуюць. Вось апранайце шлем і ідзіце на плошчу..."

У Навумаў таксама сказаў, што агароджы па перыметры плошчы не будзе, і закрываць яе міліцыя "пакуль не збіраецца".

Прэс-служба ГА "Беларуская асацыяцыя журналістаў"