Улады могуць узмацніць абарону інфармацыйнай прасторы, а заадно і кантроль над СМІ
Пакуль не падобна, каб беларускія ўлады рэальна асэнсавалі ўсю небяспеку прапаганды, асабліва з боку расійскіх СМІ, і пачалі рабіць адэкватныя захады. Ды і іншыя праблемы ў медыясферы ўлады вырашаць не гатовыя.
Пакуль нейлепш у іх атрымліваецца пераследаваць недзяржаўныя медыя, якія транслююць альтэрнатыўную інфармацыю пра сітуацыю ў Беларусі.
Пра неабходнасці рэфармаваць беларускае заканадаўства, якое рэгулюе медыясферу, даўно ўжо гавораць незалежныя беларускія і міжнародныя эксперты.
Беларуская асацыяцыя журналістаў (БАЖ) накіроўвала ў Палату прадстаўнікоў свае прапановы на гэты конт. Але там адказалі, што патрэбы ў зменах не бачаць (што не перашкодзіла дэпутатам у канцы 2014 года прыняць папраўкі ў закон аб СМІ, якія робяць больш жорсткімі рэгуляванне інтэрнэту).
Яшчэ адзін пакет прапаноў нядаўна падрыхтавала група экспертаў, якая працавала ў рамках праекта «Рэфорум» пад эгідай зарэгістраванага ў Вільні Беларускага інстытута стратэгічных даследаванняў (BISS). Тут упор зроблены менавіта на інфармацыйную бяспеку, і гэта дае пэўную надзею, што ўлады скарыстаюцца хаця б часткай рэкамендацый.
Старшыня ГА "БАЖ" Андрэй Бастунец падкрэслівае, што асноўнымі праблемамі беларускай медыясферы з'яўляюцца жорсткае заканадаўства аб СМІ, якое “не адпавядае ніякім дэмакратычным стандартам”, і яго яшчэ больш жорсткае прымяненне.
Акрамя таго, кажа кіраўнік ГА "БАЖ", Міністэрства інфармацыі мае «велізарныя адміністрацыйныя паўнамоцтвы» і валодае правам у пазасудовым парадку ужываць санкцыі да рэдакцый, блакаваць інтэрнэт-рэсурсы і забараняць дзейнасць распаўсюднікаў прадукцыі СМІ.
У сваю чаргу, медыяаналітык Паўлюк Быкоўскі падкрэслівае, што частка праблем беларускай медыясферы звязана з эканамічнай сітуацыяй, а частка – з дзяржавай як рэгулятарам гэтай сферы.
ЧЫТАЦЬ МАТЭРЫЯЛ ТАЦЦЯНЫ КАРАВЯНКОВАЙ ЦАЛКАМ