Сёньня працягнецца суд над кнігавыдаўцом Логвінавым
9 студзеня працягнецца працэс над гаспадаром менскай кнігарні Ігарам Логвінавым. Яго вінавацяць у продажы кніг безь ліцэнзіі Мінінфармацыі.
На паседжанні, якое прайшло 5 студзеня, Логвінаў сваёй віны не прызнаў. На першае паседжанне падтрымаць Логвінава прыйшлі знакавыя асобы беларускай інтэлігенцыі, якія лічаць справу высмактанай з пальца.
Працяг працэсу — у Эканамічным судзе (Менск, Акадэмічная вуліца, 15, корпус 1) сёньня а 14:30.
Па выніках падатковай праверкі кнігарню аштрафавалі амаль на 1 мільярд рублёў — такой была сума продажаў кніг за год. Спаганяць гэтыя грошы будуць праз суд.