«Новая мова фотажурналістыкі - multimedia». Мінск-Вільня (Заяўкі – да 6 кастрычніка)

Прэс-служба ГА "БАЖ"

Майстар-клас Андрэя Лянкевіча. 10 кастрычніка (Мінск) – 28 снежня 2014 г. (Вільня).

Андрэй Лянкевіч — фотажурналіст, які супрацоўнічаў з сусветнымі фотаагенцыямі і выданнямі, выкладчык фатаграфіі ЕГУ мае гонар запрасіць вас на майстар-клас «Фотажурналістыка. Новая мова фотажурналістыкі — multimedia”.

АНОНС КУРСУ

Цягам трох месяцаў удзельнікі курсу будуць здабываць пераважна практычныя веды ў галіне фотажурналістыкі. Яны таксама даведаюцца пра асновы працы з гукам і відэа для cтварэння multimedia.

АНАТАЦЫЯ КУРСУ

Большая частка фотапрадукту, які ствараецца ў Беларусі, мае ўзровень, які не адпавядае патрабанням еўрапейскага рынку СМІ. На майстар-класе будуць разглядацца і дэталёва разбірацца лепшыя ўзоры заходняй фотажурналістыкі на прыкладзе і класічных фотарэпартажаў, і мультымедыя-праектаў.

Мэта майстар-класу — падрыхтаваць удзельнікаў да працы ў рэальных жыццёвых умовах, зрабіць фотарэпартаж і multimedia да канца майстар-класу.

УДЗЕЛЬНІКІ:

— авалодаюць метадалогіяй падрыхтоўкі фотарэпартажу
,

— пазнаёмяцца з асаблівасцямі працы ў рэдакцыі (рэдактар-фатограф-дызайнер),


— навучацца выбіраць «тэхнічныя інструменты» для выканання задач — як сваіх, так і кліента (выкарыстанне ў сваёй працы як аматарскіх і прафесійных фотакамер, так і мабільных тэлефонаў)
,

— пашыраць разуменне «лічбавай фатаграфіі» і выкарыстанне яе разам з відэа, гукам ці музыкай — як прадукт сінтэзу multimedia, які ўсё шырэй выкарыстоўваецца сусветнымі СМІ.

ПРАВААБАРОНЧЫ АСПЕКТ

У тэматыку майстар-класу будзе інтэграваны праваабарончы аспект. Удзельнікам будзе прапанавана зрабіць серыю фотаздымкаў на праваабрончую тэматыку. У межах майстар-класу запланаваныя сустрэчы з праваабаронцамі.

ТЭРМІНЫ

Курс «Фотажурналістыка» разлічаны на тры месяцы — кастрычнік, лістапад, снежань 2014 г.

Аднадзённыя ўстановачныя заняткі будуць праведзены ў Мінску ў самым пачатку курса (10 кастрычніка) з 10.00 да 16.00.

Цягам трох месяцаў праца будзе працягвацца ў дыстанцыйным рэжыме пры дапамозе moodle, skype і рассылкі google groups.

Падсумаваць вынікі курсу плануецца на двухдзённым семінары ў Вільні 27-28 снежня 2014.

Заяўкі на ўдзел прымаюцца у ГА «БАЖ» па электроннай пошце на адрас: baj@baj.by (з пазнакай «Фотажурналістыка»).

Ваша заяўка павінна ўтрымліваць:

— Кароткі расповед пра сябе,

— Абгрунтаванне свайго жадання ўдзельнічаць у курсе,

— Звесткі пра сяброўства ў ГА «БАЖ».

Заяўкі прымаюцца да 6 кастрычніка 2014 г.

Каментары: