Вучымся прымяняць стандарты заходніх СМІ. Майстар-клас Каці Гарчынскай (ДА 26 САКАВІКА)
«Прэс-клуб Беларусь» запрашае на майстар-клас Каці Гарчынскай, намесніцы галоўнага рэдактара вядучай англамоўнай газеты ва Украіне «The Kyiv Post», карэспандэнткі «The Wall Street Journal», «The Financial Times». Майстар-клас адбудзецца 3 красавіка з 14.00 да 19.00.
Што азначае журналістыка па заходніх стандартах – гэта цяжкасці перакладу ці іншая філасофія?
У ходзе майстар-класу будуць пакрокава паказаныя адрозненні пабудовы тэкстаў у заходніх СМІ ад нашых, разабраныя асноўныя прынцыпы пабудовы артыкула па заходніх стандартах.
Удзельнікі пройдуць усе этапы працы над матэрыялам:
- Пошук тэм і выбар ідэі для артыкула
- Стварэнне сцэнару
- Структура тэксту
- Праца з крыніцамі
Удзельнікі майстар-класу змогуць патрэніравацца таксама ў стварэнні бэкграўнду да артыкула, падборы фотаздымкаў, вядзенні інтэрв'ю і пазнаёміцца з іншымі метадамі, якія ўваходзяць у каноны стандартаў заходніх СМІ.
Майстар-клас адбудзецца ў пятніцу, 3 красавіка, у Мінску. Месца правядзення будзе паведамлена дадаткова. Пачатак а 14-й гадзіне.
Для ўдзелу неабходна падаць заяўку і запоўніць рэгістрацыйную форму да чацвярга, 26 сакавіка (уключна).
Кандыдатаў, якія запоўнілі анкеты, праінфармуюць пра вынікі конкурснага адбору не пазней за 30 сакавіка. Для ўдзельнікаў з рэгіёнаў магчымая кампенсацыя выдаткаў на праезд да/з Мінска.
У выпадку ўнікнення пытанняў просім звяртацца па адрасе press-club@press-club.by
На папярэдніх сустрэчах былі прадстаўленыя прынцыпы працы наступных медыяпраектаў: Усходнееўрапейская сетка брытанскай газеты «The Guardian», агрэгатар навін «Медуза», польскі рэсурс па дата-журналістыцы BIQdata.pl, а таксама нямецкая арганізацыя журналісцкіх расследаванняў Correct!V.
Партнёр – ГА “БАЖ”
Інфармацыйныя партнёры: TUT.BY і “Медыякрытыка”