Паўла Севярынца выклікалі ў міліцыю і папярэдзілі
8 мая сябра ГА “Беларуская асацыяцыя журналістаў” Павел Севярынец быў выкліканы ў аддзяленне міліцыі Фрунзенскага раёна Мінска для прафілактычнай гутаркі.
Цягам гутаркі Севярынца папярэдзілі пра недапушчальнасць супрацьпраўных дзеянняў падчас правядзення Чэмпіянату свету па хакеі, пасля чаго адпусцілі з міліцыі. Пра гэта палітык асабіста паведаміў прэс-службе ГА “Беларуская асацыяцыя журналістаў”.
У 2011 годзе Павел Севярынец быў асуджаны нібыта за арганізацыю масавых беспарадкаў 19 снежня 2010 года на 3 гады абмежавання волі. У кастрычніку мінулага года палітыка і публіцыста вызвалілі пасля сканчэння тэрміну пакарання.
Нагадаем, апошнія два тыдні ў Беларусі не спыняюцца затрыманні грамадскіх актывістаў. Зараз розныя тэрміны адміністратыўных арыштаў адбываюць не менш як 17 чалавек. Праваабаронцы расцэньваюць гэтыя затрыманні як прэвентыўныя, звязаныя з чэмпіянатам свету па хакеі, які пройдзе ў Мінску 9—25 мая.
На гэтую ж тэму: